Mikilvægt er að stjórn starfi samkvæmt ákveðnum verkferlum sem tryggja skilvirkni og gagnsæi og tileinki sér starfshætti sem einkennast af heilindum. Æskilegt er að stjórnarmenn skilji hvert hlutverk þeirra og ábyrgð er, hafi þekkingu á því rekstrar- og regluumhverfi sem fyrirtækið starfar í og meti reglubundið störf sín, verklag og starfshætti.
PricewaterhouseCoopers leggur áherslu á að reglulegir og vel skipulagðir fundir séu hluti af starfsreglum stjórnar, dagskrá sé kynnt fundarmönnum fyrirfram, stjórn setji sér skriflegar starfsreglur og að undirnefndum séu settar skýrar reglur.
