PricewaterhouseCoopers fagnar umsóknum frá bæði reyndum einstaklingum og þeim sem eru að feta sín fyrstu skref á vinnumarkaði. Hjá okkur starfar breiður hópur einstaklinga með margvíslega reynslu og menntun.
Flestir okkar starfsmenn starfa á endurskoðunarsviði, sem er okkar stærsta svið. Þar leitum við að einstaklingum sem eru:
- löggiltir endurskoðendur
- viðskiptafræðingar af endurskoðunarsviði
- einstaklingar sem lokið hafa/eru í M.Acc. námi
- einstaklingar sem hafa reynslu af endurskoðunarverkefnum, vanir bókhaldi og uppgjörum, skattframtalsgerð og tengdum verkefnum
Fyrirtækjaráðgjöfin sækist fyrst og fremst eftir einstaklingum með reynslu og menntun á sviði viðskipta, fjármála og lögfræði.
Skatta- og lögfræðisvið sækist fyrst og fremst eftir lögfræðingum sem hafa sérhæft sig í skattarétti eða sækjast eftir slíkri sérhæfingu.
Við þökkum þér fyrir að sýna PwC áhuga og biðjum þig vinsamlegast um að senda umsókn þína til Þórunnar Auðunsdóttur, mannauðsstjóra PwC, á netfang storf@is.pwc.com. Við bendum þér einnig á að skoða auglýst störf, sem er að finna hér.
